Irak Iran men Saýd Arabııasy arasynda deldal bolýǵa nıetti
ÁBÝ-DABI. QazAqparat - Sársenbide Irak Saýd Arabııasy men Iran arasynda deldal bolý usynysymen Tegeranǵa óziniń syrtqy ister mınıstrin jiberdi.
Baǵdadta musylmandar álemindegi súnnıtter men shıitter arasyndaǵy qaqtyǵys Sırııa men Irakta bekigen «Islam memleketi» radıkaldyq tobymen kúreste jalpy kúshke teris áser etýi múmkin dep sanaıdy.
Irakta bılikte shıit úkimeti bar, al súnnıt azshylyǵy qazirgi ýaqytta IM sodyrlarymen soǵys júrip jatqan eldiń batysynda turady.
Kórshi Iran súnnıttermen ymyralasýǵa kúsh salýdyń arqasynda belgili bir saıası bedel jınaǵan shıit Irak premer-mınıstri Haıdar Ál-Abadıdi ırak-saýdtyq qatynastar shıelenisiniń birneshe onjyldyǵynan keıin, ótken aıda óz jumysyn bastaǵan Baǵdadta Saýd Arabııasynyń elshiligin jabýǵa shaqyrdy.
Mınıstrler kabınetiniń basshysy H. Ál-Abadı syrtqy ister mınıstri Ál-Djaafarıdi Saýd Arabııasy men Iran arasyndaǵy daǵdarysty retteýge járdemdesý úshin Tegeranǵa jiberdi. Óziniń ırandyq áriptesteri Mýhammed Djavad Zarıf, I. Djafarımen kelissózder barysynda qaqtyǵystyń úlken saldary bolýy múmkin ekenin málimdedi.
- Bizde Iran Islam memleketimen berik qatynas ornaǵan jáne arab baýyrlarmen de qatynasymyz bar. Sondyqtan da bul daǵdarystyq jaǵdaıda qol qýsyryp otyra almaımyz, dedi Tegeranda birlesken baspasóz máslıhatynda ırak dıplomaty.
Deldal týraly ırak usynysyna qatysty Er-Rııad ázirge qandaı da bir ustanymyn bola qoıǵan joq. Eske salsaq, Koroldik kórnekti shıit ýaǵyzshysy Nımr ál-Nımrdi ólim jazasyna keskennen keıin Saýd Arabııasy men Iran arasyndaǵy qatynas shıelenise túsken.
