Irak áýe keńistiginde ushýǵa salynǵan tyıym taǵy bir táýlikke uzartyldy

Irak áýe keńistigi 22 maýsymǵa deıin jabyq kúıinde qalady, dep habarlaıdy TASS.

— Áýe keńistigi keminde 22 maýsym, jeksenbi kúni saǵat 19:00-ge deıin jabyq kúıinde qalady, — dep habarlady agenttikke suhbat bergen Baǵdadtaǵy ushý aqparat aımaǵynyń dıspetcherlik qyzmetiniń ókili.

Osylaısha, aımaqtaǵy jaǵdaıdyń ýshyǵýyna baılanysty toqtatylǵan ushýlarǵa baılanysty Irak áýe keńistiginiń jabyq turǵanyna on kún bolyp otyr.

Dıspetcherlik qyzmet ókilderi eldegi jalpy ushý toqtatylǵanyna qaramastan, bılik ońtústik-shyǵystaǵy Basra qalasyna jekelegen reısterge ruqsat berýi múmkin ekenin eske saldy. Alaıda mundaı múmkindik týyndasa jáne reısterdiń tártibi bekitilse, bul týraly mamandar qosymsha habarlaıtyn bolady.

Buǵan deıin Basramen áýe qatynasyn qamtamasyz etý úshin Parsy shyǵanaǵy jaǵynan eki áýe dálizi men shekarany kesip ótetin eki baqylaý núktesi belgilengeni aıtylǵan edi.

Aıta ketelik Atyraýdan Dýbaıǵa reıster ýaqytsha toqtatylǵany týraly jazǵan edik.