Irak astanasynda jappaı narazylyq sharalary ótýde
BAǴDAT. QazAqparat - Iraktyń ońtústigin túgeldeı qamtyǵan jappaı narazylyq aktsııalary eldiń astanasy Baǵdat qalasyna jetti, dep habarlaıdy Anadoly agenttigi.
Sonymen qatar, úkimetke qarsy mıtıng Baǵdattyń shııtter basym turatyn Ash-Shýle aýdanynda da ótti. Qaýipsizdik kúshteriniń ókilderi bul aýmaqqa kelgen kezde narazylyq bildirgen halyq avtokólikterdiń shınalaryn órteı bastaǵan.
Ldyn ala boljam boıynsha narazylyq sharalary Irak astanasynyń ózge aýdandaryna da taralýy yqtımal.
Al Iraktyń ońtústiginde kommýnaldyq salanyń nasharlaýyna jáne elektr qýatyn taratýdaǵy aqaýlarǵa qarsy narazylyq aktsııalary ótip jatyr.
Eldiń qaýipsizdik kúshterindegi derekkózderdiń aıtýynsha, Basrada narazylyq bildirýshiler Iraktyń premer-mınıstri Haıdar al-Ibadı toqtaǵan qonaqúıge basa-kókteı kirmek bolǵan.
Jergilikti baspasóz habarlaǵandaı, mıtıng ótkizýshilerdiń bir toby Nadjaf qalasyndaǵy merııa ǵımaratyn qorshap alǵan.
Ońtústikte ornalasqan Meısan qalasynda qaýipsizdik kúshteri men narazy halyqtyń arasynda bolǵan qaqtyǵysta bir adam qaza tapqan. Dál osy qalada mıtıngke shyqqan jurt «Dava» bılik partııasynyń, «Ulttyq danalyq qozǵalysynyń», sondaı-aq, «Bedır» jáne «Islamnyń joǵarǵy keńesi» uıymdarynyń ǵımarattaryn órtep jibergen.
Sondaı-aq, manıfestanttar Nadjaf qalasynyń jergilikti áýejaıyna shabýyl jasaǵan.
