Irak áskeri Mosýldaǵy eski shaharǵa shabýyl jasady
ASTANA. QazAqparat - Irak armııasy "Islam memleketiniń" baqylaýyndaǵy sońǵy aýdan - Mosýldaǵy Eski shaharǵa shabýyldyń bastalǵanyn habarlady.
Habarlamaǵa sáıkes, arnaıy ásker batystan, al federaldyq polıtsııa - ońtústikten lap qoıdy.
BUU derekterine sáıkes, Eski shaharda 100 myńdaı beıbit turǵyn bar. Olarǵa múmkindiginshe qaladan ketý qajettigi eskertildi.
Sońǵy eki aptada, uıymnyń esebinshe, Mosýldyń batys bóliginde 230-daı beıbit turǵyn qaza tapty. Keıbiri avıasoqqy, atystyń qurbany bolsa, qaladan qashyp ketýge árekettengen keıbirine IM snaıperleri oq atqan. Qashyp shyǵyp úlgergender qaladaǵy múshkil jaǵdaıdy jetkizdi. Olardyń aıtýynsha, jergilikti halyqtyń azyǵy, sýy taýsylýda.
AQSh-tyń qoldaýymen Mosýldy azat etý boıynsha ırak kúshiniń operatsııasy 9 aıǵa sozylýda.
