Irak áskeri «Islam halıfaty» jaýyngerlerinen Ámirli qalasyn azat etti
ASTANA. QazAqparat - Iraktyń áskerıleri eldiń soltústigindegi Ámirli qalasyn «Islam halıfaty» jaýyngerlerinen azat etti, dep jazady Reuters.
Agenttiktiń Irak general-leıtenanty Kassıma al-Mýssavıge siltememen habarlaýynsha, qazirgi ýaqytta eldiń áskerıleri qalany óz baqylaýyna aldy. Sondaı-aq, jergilikti saıasatker Favzı Akram al-Tarzı de osy málimetti rastap otyr. Ol, sondaı-aq, turǵyndarǵa gýmanıtarlyq kómek te berile bastaǵanyn habarlady.
Dııal provıntsııasynyń Ámirli shahary turǵyndarynyń negizgi bóligin túrkimender quraıdy. Olar sońǵy eki aı boıy sý men azyq-túlikten tapshylyq kórgen. Eldiń qarýly kúshteri buǵan deıin birneshe márte qalany azat etýge talpynǵanymen áreketteri sátsiz aıaqtalǵan. Sondyqtan olar tek ushaqpen gýmanıtarlyq kómek tastaýmen shektelip kelgen.
