Irak áskeri ejelgi Nımrýd qalasyn azat etti
ASTANA. QazAqparat - Irak áskeri lańkesterden Mosýldyń ońtústik shyǵysynda ornalasqan ejelgi Nımrýd qalasyn azat etti, dep habarlaıdy 24.kz.
Tarıhı shahardy bosatý operatsııasy keshe túnde bastaldy. Áskerıler qala mańyndaǵy 9 aýyldy óz baqylaýyna aldy. Qazir úkimet jasaqtary Mosýlǵa shabýyldaryn jalǵastyryp, ony artıllerııadan atqylap jatyr.
Jaıaý áskerge Qurama shtattardyń áýe kúshteri qoldaý kórsetedi. Jalpy «Irak pen Levant lańkestik uıymynyń» qorǵanyna aınalǵan Mosýldy azat etýge ondaǵan myń jaýynger tartylǵan. Al shaharda 4 myńnan 8 myńǵa deıin sodyr bekingen. Sonymen qatar 700 myń beıbit turǵyn bar.
