Irak áskerı bazasynda jarylys boldy

ASTANA. KAZINFORM —Senbige qaraǵan túni Baǵdadtyń ońtústigindegi Vavılon provıntsııasyndaǵy Iraktyń halyqty mobılızatsııalaý kúshterine qarasty áskerı bazada úlken jarylys boldy.

Jarylys Baǵdadtan ońtústikke qaraı 50 shaqyrymdaı jerde, Babıl provıntsııasyndaǵy Iskandarııa qalasyna jaqyn jerde ornalasqan Kalso áskerı bazasyndaǵy oq-dári qoımasynda bolǵany habarlandy.

Halyqty mobılızatsııalaý kúshteriniń bir jaýyngeri qaza taýyp, altaýy jaralandy, dep habarlady Reuters jergilikti aýrýhanaǵa silteme jasap.

HMK taratqan qysqa málimdemede «Babıl provıntsııasynyń soltústigindegi tas jol boıynda ornalasqan ál-Mashrý aýdanyndaǵy Kalsý áskerı bazasyndaǵy Halyqtyq mobılızatsııalaý kúshteriniń shtab-páterinde jarylys boldy» delingen.

Halyqtyq mobılızatsııalaý kúshteri Irak qaýipsizdik kúshteriniń bir bóligi jáne Iran tarapynan qoldaý kórsetiletin resmı áskerılendirilgen uıym.

Ol DAISh-pen kúresý kezinde qarýly jasaq toby retinde paıda boldy.

Ázirge áýe shabýylyna kimniń jaýapty ekeni belgisiz.

Irak astanasy mańyndaǵy jarylystar Izraıldiń Irannyń ortalyǵyndaǵy Isfahandaǵy áskerı bazaǵa jasaǵan soqqysynan bir kún ótken soń boldy.

AQSh-tyń resmı ókili AQSh tarapynan Irakqa áskerı áreket jasalmaǵanyn aıtty.

AQSh Ortalyq qolbasshylyǵynyń málimdemesinde: «AQSh búgin Irakqa qarsy áýe shabýyldaryn jasaǵan joq», delingen.