Irak Áskerı áýe kúshteri «Ál Kaıda» bekinisterine áýeden soqqy jasaýda
ASTANA. 6 qańtar. QazAqparat - Iraktyń úkimettik áskeri batystaǵy Anbar ólkesindegi Fallýdja men Ramadı qalalaryna áýeden soqqy jasaýda.
Túrli málimetterge qaraǵanda, jeksenbi kúni 30-dan astam ıslamshyl sodyrdyń kózi joıylǵan.
Arab BAQ-tarynyń habarlaýynsha, kúni keshe Baǵdattyń úkimettik sheneýnikteri Anbar ólkesinde qonystanǵan túrli taıpalardyń aqsaqaldarymen Irak Islam Respýblıkasy men Levant aýmaǵyndaǵy «Ál Kaıda» uıymynyń tarmaqtarymen kúreste áskerge qoldaý kórsetýge kóndirý maqsatynda kezdesken. Aıta keterligi, atalǵan toptyń sodyrlary Evfrat ózeni jaǵalaýyndaǵy Ramadı men Fallýdja qalalary aýdanynyń bir bóligin basyp alǵandyqtaryn málimdegen bolatyn.
«Irak pen Levant ıslam memleketi» qozǵalysy tek Irak aýmaǵynda áreket etip otyrǵan joq. Olar Sırııa janjalynda da úkimetke qarsy oppozıtsııanyń negizgi kúshteriniń biri sanalady.
Buǵan deıin AQSh memlekettik hatshysy Djon Kerrı Vashıngtonnyń «Ál Kaıdamen» kúreste Baǵdattyń is-sharalaryn qoldaıtyndyǵyn, biraq ol jaqqa ásker jiberýge nıetti emes ekendigin málimdegen bolatyn.
