Irak áskeri alǵash ret Mosýlǵa basyp kirdi
ÁBÝ-DABI. QazAqparat - Iraktyń elıtalyq áskerı bólimshesi alǵash ret Mosýl qalasynyń shyǵys bóligine basyp kirdi, dep habarlady «QazAqparat» HAA tilshisi ıraktyq BAQ-qa silteme jasap.
Kontrterrorlyq shtab baspasóz hatshysy Sabaha ál-Nýmannyń aıtýynsha, bólimshe túngi ýaqytta Tıgr ózenine ótip, «Islam memleketi» sodyrlaryn Mýtanna aýdanyna shegindirdi.
«Arnaıy jabdyq pen tosyn áreket elementin paıdalandyq, qarsylas túngi ýaqytta shabýyldaıdy dep kútpedi, aldyńǵy shabýyldardyń barlyǵy kúndizgi ýaqytta bolǵan», - dedi Ál-Nýman.
Aldyn ala AQSh áskerı ushaqtary IM nysandary boıynsha áýeden 19 ret soqqy jasady. Saldarynan ondaǵan sodyr qaıtys boldy, dedi Irak áskeriniń ókili.
Osy aptada Iraktyń ekinshi iri qalasy - Mosýldy «IM» sodyrlarynan azat etý boıynsha 12 aptalyq naýqannyń ekinshi fazasy bastaldy.
100 myńdaǵan Irak áskeri men Kúrd qaýipsizdik kúshiniń qatysýymen uıymdastyrǵan operatsııaǵa qaramastan, IM keskilesken qarsylyq tanytýda.
Sodyrlar ásker nysandaryn zaqymdap, snaıper, jankeshti lańkesterdi paıdalanýda. «Jandy qalqan» retinde qorǵaný úshin Mosýldyń beıbit turǵyndaryn paıdalanýda.
