Irak artefaktilerin kontrabandalaǵany úshin brıtandyq azamat 15 jylǵa sottaldy
BAǴDAT. QazAqparat – Dúısenbide Baǵdad qalasynyń soty Ulybrıtanııa azamatyn Iraktyń tarıhı jerlerine ekskýrsııa kezinde alǵan ejelgi zattardy kontrabandalaǵany úshin 15 jylǵa bas bostandyǵynan aıyrdy, dep habarlady QazAqaparat Reuters agenttigine silteme jasap.
Irak bıligi 66 jastaǵy Djeıms Fıttondy osy jyldyń naýryz aıynda Baǵdad halyqaralyq áýejaıynda ejelgi qysh ydystardyń kishkene bólikterin alyp ketpek bolǵany úshin qamaýǵa aldy.
Sómkelerdi tekserý kezinde Iraktyń ońtústigindegi ejelgi Mesopotamııa qalasy Erıdýda jınalǵan tyrnaqtyń kólemindeı synyqtar tabyldy.
Dúısenbide Baǵdadtyń qylmystyq soty Fıttondy Iraktyń ońtústigindegi mura nysanynan artefaktilerdi alyp, olardy «qylmystyq nıetpen» elden shyǵarýǵa tyrysqany úshin 15 jylǵa bas bostandyǵynan aıyrdy.
