IQanat olımpıadasynyń irikteý kezeńi bastaldy
ASTANA. QazAqparat - Búginde qazaqstandyq oqýshylardyń 50%-y aýyldarda oqıdy, dep habarlaıdy QazAqparat.
Tipti memlekettik baǵdarlamalardyń qoldaýymen, aýyl balalarynyń joǵary oqý oryndaryna túsý nátıjesi el boıynsha ortasha kórsetkishterden tómen. Eńbekqor aýyl balalary úshin birshama qıyndyqtar bar: aýyldarda pedagog kadrlardyń aıtarlyqtaı tapshylyǵy, túrli bilim berý ortalyqtarynan alshaq ornalasýy.
Jańa bilim berý baǵdarlamasy QR Bilim jáne ǵylym mınıstrliginiń jáne qazaqstandyq kásipkerlerdiń qoldaýymen júzege asyp otyr. Negizgi maqsaty - aýyldy jerlerdegi zerek balalardy qoldaý, olardyń otandyq jáne sheteldik ýnıversıtetterde bilim alýyna múmkindik berý. Bilim jáne ǵylym mınıstrliginiń 24.05.18 jylǵy №226 buıryǵymen IQanat olımpıadasy respýblıkalyq olımpıadalar tizimine kirdi jáne biregeı bilim saıysy 4 pán boıynsha ótkiziledi: matematıka, fızıka, aǵylshyn tili, ádebıet ("Erýdıt" esse saıysy). Oqýshy 1 nemese 2 baǵytty tańdaı alady.
Búgingi tańda aımaqtyq irikteý olımpıadalary Qazaqstan Respýblıkasynyń 14 oblysynyń 63 aýdanynda ótti, tirkelgen oqýshylardyń jalpy sanynyń 80%-y keldi. 2019 jyldyń qańtar aıynda qalǵan 72 aýdannyń fınalısteri 2 týrǵa qatysady. QR BǴM málimeti boıynsha, 163 aýdanda 4 687 aýyldyq mektep jumys isteıdi, onda toǵyzynshy synyptyń 142 997 oqýshysy oqıdy. Olardyń arasynan 135 aýdannan 28 377 oqýshy IQanat olımpıadasynyń 1 týryna ótinim berdi.
Onyń 600-i (árbir aýdannan 5 oqýshy) 2019 jyly mamyr-maýsym aılarynda Astana qalasyndaǵy Nazarbaev Ýnıversıtetinde ótetin IQanat fınaldyq respýblıkalyq olımpıadasynda joǵary oqý oryndaryna granttar úshin kúresedi.
Qazaqstandyq kásipkerlerdiń qoldaýynyń arqasynda joba QR barlyq oblystarynda sátti júzege asyrylýda, metsenattardyń 2018-2019 oqý jylyna arnalǵan jobany uıymdastyrýǵa qosqan úlesi 300 mln.teńgeden asty.
IQanat olımpıadasynyń ár týryna daıyndyq boıynsha barlyq ádistemelik materıaldar qoljetimdi jáne Qordyń resmı saıtynda ornalastyrylǵan. https://iqanat.kz/. Tapsyrmalar «Daryn» respýblıkalyq ǵylymı-praktıkalyq ortalyǵynyń saraptamasynan ótti. Olımpıada ótkizýdiń ádistemelik negizi quryldy. Barlyq uıymdastyrý jumystaryn ár oblysta turaqty negizde jumys isteıtin IQanat qorynyń úılestirý ortalyqtary júrgizedi, bul Olımpıadanyń ádil ótýin qamtamasyz etedi.
Qatysýshylardyń tapsyrmalardy, taqyryptardy, beıne sabaqtardy qarap, olımpıadaǵa tıimdi daıyndalýǵa múmkindigi bar. Taǵy bir artyqshylyǵy - Android úshin Google Play-de jáne iOS úshin AppStore-de tegin qoljetimdi mobıldi qosymsha, ol onlaın túrde nátıjelerin qadaǵalaýǵa múmkindik beredi.
Aıta ketsek, jobaǵa tek 9 synyp oqýshylary qatysady. Bul olardy mektepterde oqytýdyń keıingi eki jyly QR jáne álem ýnıversıtetterine túsýge daıyndyq maqsatynda baǵdarlamanyń qamqorlyǵynda bolady (beıindeýshi pánderdi tańdaý, shet tilderin tereń oqytý, olımpıadalarǵa daıyndyq, bilim ádebıetine qol jetkizý, testke daıyndyq, mentorlyq).
«IQanat bilim berý qory» jas talanttardyń tálimgerlerine janqııarlyq eńbegi, óz tárbıelenýshilerine senimi, olardyń tolyqqandy azamat bolyp qalyptasýyna qoldaý kórsetkeni úshin alǵys bildiredi. QR oblystary men aýdan ortalyqtaryndaǵy metsenattardy yntymaqtastyqqa shaqyrady.
