Ippoterapııa (jylqyǵa minip jattyǵý) sal aýrýymen aýyratyn balalardyń densaýlyǵyn jaqsartýǵa yqpal etedi - L. Drobysheva
ALMATY. 15 Qarasha. QazAqparat /Ádilet Musahaev/- Búgingi tańda elimizde 44 574 múgedek bala bar, bul elimizdegi kishkentaı turǵyndardyń 1,2 paıyzyn quraıdy. Olardyń 10 myńǵa jýyǵyna sal aýrýy dıagnozy qoıylǵan. Bul jaıynda búgin joǵary kategorııaly EDSh dárigeri, QR Emdik deneshynyqtyrý dárigerleri qaýymdastyǵynyń prezıdenti Lıýdmıla Drobysheva Almatyda arnaıy ótken baspasóz maslıhaty kezinde aıtty.
Májilis barysynda Qazaqstandaǵy múgedek balalardyń problemalary, jekelep alǵanda, tserebraldy sal aýrýy (DTsP) dıagnozy qoıylǵan balalardyń qımyl-qozǵalysyn ıppoterapııany qoldaný arqyly saýyqtyrýdaǵy jańa qadamdar talqylandy.
Mamandardyń aıtýynsha, barynsha shydamdylyq tanytyp, ádistemelik júıemen emdegen jaǵdaıda bul aýrýdyń saldaryn túzetip, balany júrýge, sóıleýge úıretýge jáne qoǵamda ómir súrýge beıimdeýge bolady. Qımyl-qozǵalysty saýyqtyrýdyń progressıvti ádisteriniń biri ıppoterapııa(jylqyǵa minip jattyǵý) eken.
"Ippoterapııa sal aýrýymen aýyratyn balalardyń densaýlyǵyn jaqsartýǵa yqpal etedi, sebebi atqa minip, baıaý júrý deneni basqarýǵa úırenýge, qımyl-qozǵalys jáne sóıleý belsendiligin arttyrýǵa múmkindik beredi», - deıdi L.Drobysheva.
Biraq Qazaqstanda ıppoterapııa sekildi saýyqtyrý ádisi áli de bolsa keńinen tarala qoımaǵan. Ol kóp qarjy qajet bolatyndyǵyna jáne jetkilikti dárejede mamandardyń joqtyǵyna baılanysty bolsa kerek. Degenmen bul jańasha ádisti damytý jolynda alǵashqy qadamdar da jasalyp jatyr eken. 2010 jyldyń qazan aıynda «Merı Keı (Qazaqstan)» kompanııasynyń qaıyrymdylyq kómek kórsetýimen jetim balalar, múgedek balalar, sonyń ishinde sal aýrýymen aýyratyn balalar tárbıelenip jatqan «Kovcheg» mekemesine ıppoterapııamen aınalysý úshin ponıtuqymdasatsatyp alynǵan.
