Ipotekanyń bastapqy jarnasy 10 paıyzǵa deıin tómendetile me

ASTANA. KAZINFORM — 2027 jyly bastapqy jarnasy 10 paıyzdan bastalatyn ıpotekalyq nesıe berýdiń jańa tetikteri tanystyrylýy múmkin.

ıpoteka
Kollaj: Kazinform

Bul týraly Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Baqytjan Júnisbekov málimdedi.

Onyń aıtýynsha, qazir bul baǵytta «Otbasy bankpen» birlesip, tıisti qarjylyq model ázirlenip jatyr.

– Qazir biz bastapqy jarnany tómendetýdi kózdeıtin tetikterdi pysyqtap jatyrmyz. Qarjylyq modeldi «Otbasy bankpen» birlesip ázirleýdemiz. Shamamen 2027 jyly osy jańa tetikterdi jarııalaımyz, – dedi Baqytjan Júnisbekov Úkimet otyrysynan keıin ótken brıfıngte.

Sondaı-aq, ol engizilýi múmkin ózgeristerdiń biri ıpoteka boıynsha bastapqy jarnany 10 paıyzǵa deıin tómendetý ekenin atap ótti.

Aıta keteıik, buǵan deıin «Otbasy» bank baspana baǵasy men halyq tabysy arasyndaǵy alshaqtyqty azaıtý kózdelip otyrǵanyn málimdegen edi.