Ipotekalyq qaryzdardy qaıta qarjylandyrý baǵdarlamasyna ózgerister engizildi
Bul túzetýler problemalyq qaryz alýshylardy qamtýdy barynsha ulǵaıtýǵa múmkindik beredi. QR Ulttyq Bankiniń bastamasymen halyqtyń áleýmettik turǵydan álsiz toptaryna jatatyn qaryz alýshylar bankterdiń shaǵym-talaptardy berý kezinde tólegen memlekettik baj salyǵy somasyn tóleý qajettiliginen bosatylady. Bul shyǵystar QR Ulttyq Bankiniń qarajaty esebinen óteletin bolady. Shetel valıýtasynda berilgen problemalyq qaryzdar Ulttyq Banktiń erkin ózgermeli baǵam engizilgenge deıin belgilengen resmı baǵamy boıynsha, sot aktisi bar qaryz boıynsha - QR Ulttyq Bankiniń sottyń aktisi shyǵarylǵan kúngi resmı baǵamy boıynsha qaıta qarjylandyrylatyn bolady. Baǵdarlama sheńberinde endi taraptardyń kelisimimen baspanasy (jer telimi) banktiń nemese ıpotekalyq uıymnyń, onyń ishinde ýákiletti organnyń lıtsenzııasyn erikti túrde qaıtarǵan uıymnyń balansyna qabyldanǵan qaryz alýshylardyń kredıtterin qaıta qarjylandyrýǵa bolatyndyǵy mańyzdy. Baǵdarlamaǵa túzetýler kepilge salynǵan baspana alańyna da qatysty boldy. Eger buryn baspananyń jalpy alańy 120 sh.m.-den aspaýǵa tıis bolsa, endi bul talap turǵyn úı alańyna qatysty qoldanylady. Baspana alańy boıynsha shekteýler kóp balaly otbasylarǵa qoldanylmaıdy. Qaıta qarjylandyrý baǵdarlamasyn qaryz alýshylar men olardyń jubaılary (zaıyptary) ǵana emes, jalǵyz baspanasy bolyp tabylǵan jaǵdaıda, kepil berýshiler de paıdalana alady. 2015 jylǵy 1 qyrkúıektegi jaǵdaı boıynsha bankterge 6 796 ótinim berildi, onyń ishinde 3 140 ótinim boıynsha qaıta qarjylandyrý týraly oń sheshim qabyldandy. Ulttyq Bank múddeli mınıstrliktermen jáne vedomstvolarmen birlesip jeke tulǵalarǵa merzimi ótken bereshekti keshirý kezinde olardy jeke tabys salyǵynan bosatý, sondaı-aq sot oryndaýshylarynyń atqarýshylyq óndiris júrgizilip otyrǵan qaryzdar boıynsha qyzmetine aqy tóleý qunynyń eń joǵary shegin belgileý boıynsha jumysty jalǵastyrýda. Ipotekalyq turǵyn úı qaryzdaryn/ıpotekalyq qaryzdardy qaıta qarjylandyrý baǵdarlamasyn Ulttyq Banktiń Memleket basshysy Qazaqstan Respýblıkasy Úkimetiniń 2015 jylǵy 11 aqpanda ótken keńeıtilgen otyrysynda bergen tapsyrmasyn iske asyrý qorytyndysy boıynsha ázirlegenin eske salamyz. Ipotekalyq kredıtteý salasynda qalyptasqan máselelerdi sheshý úshin Ulttyq Bank bólgen qarajat (130,0 mlrd. teńge) problemalyq qaryz alýshylardyń boryshtaryn esepten shyǵarýdy boljamaıdy jáne ıpotekalyq kredıtterge qyzmet kórsetý talaptaryn jeńildetýge baǵyttalǵan.
