Ipotekalyq nesıe mólsherlemesin tómendetetin jańa ádisteme ázirlenedi
ASTANA. KAZINFORM – Qarjy naryǵyn retteý jáne damytý agenttigi ıpotekalyq jáne tutynýshylyq nesıelerdiń mólsherlemelerin tómendetetin jańa ádistemeler ázirleıdi. Bul týraly Májilistiń jalpy otyrysynda Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty.
Bank qyzmetine qatysty qujatqa túzetýlerdi talqylaý barysynda depýtat Tilektes Adambaev ótken zańdarda tutynýshylyq nesıe mólsherlemelerin 46 paıyzǵa, al ıpoteka mólsherin 25 paıyzǵa deıin tómendetýge qol jetkizilgenin atap ótti.
- Sondaı-aq jańa bankterdiń, onyń ishinde sheteldik bankterdiń naryqqa shyǵýyn jeńildetetin sharalar qabyldandy. Endi jańa zańda biz bankterdiń lıtsenzııalaý júıesin odan ary jeńildetýdi kórip otyrmyz. Bazalyq lıtsenzııa engizilmek. Osyǵan baılanysty qarjy naryǵyndaǵy básekelestikti arttyrý sharalary nesıelik mólsherlemelerdi tómendetýge ákele me? Tutynýshylyq nesıeler boıynsha jyldyq mólsherlemeni 35 paıyzǵa deıin, al ıpoteka boıynsha 25 paıyzǵa deıin tómendetý máselesin qarastyrýdy oılamaısyz ba?, - dep surady ol agenttik basshysynan.
Saýalǵa jaýap bergen Mádına Ábilqasymova ótken jyly jyldyq tıimdi mólsherlemelerdiń bári tómendetilgenin aıtty.
- Kepilsiz tutynýshylyq nesıe boıynsha mólsherleme 56-dan 46 paıyzǵa, ıpotekalyq nesıe boıynsha mólsherleme 30-dan 25 paıyzǵa, al kepildi nesıeler boıynsha mólsherleme 40-tan 35 paıyzǵa deıin tómendetildi. Bıyl ıpotekalyq nesıe boıynsha mólsherlemeni odan ary 20 paıyzǵa deıin tómendettik. Biraq, qazan aıynda Ulttyq bank bazalyq mólsherlemeni 18 paıyzǵa deıin kóterdi. Sol sebepti bankterdiń kóbi ıpotekalyq nesıeni toqtatty. Sondyqtan bul normany qoldanýdy 2026 jyldyń 1 shildesine deıin toqtattyq. Oǵan deıin Ulttyq bankpen birlesip, jańa ádisteme ázirleımiz. Jańa ádisteme bastapqy jarnanyń kólemine baılanysty bolady jáne saralanǵan mólsherleme bekitiledi. Tutynýshylyq nesıe boıynsha týra sondaı jumys isteımiz. Qazir tutynýshylyq nesıe boıynsha ortasha mólsherleme 35-36 paıyz kóleminde belgilengen. Bizdiń oıymyzsha, jańa ádisteme ázirlegennen keıin básekelestik bolyp, mólsherleme tómendeýi tıis, - dedi agenttik basshysy.
Aıta keteıik, elimizde tólemge qabiletsiz bankterdi retteýdiń jańa tetigi engizilmek.