Ipoteka rásimdeıtin áıel salymshylar erlerden kóp – Otbasy bank
ASTANA. KAZINFORM – «Otbasy bank» AQ basqarma tóraǵasy Lázzat Ibragımova memlekettik jáne naryqtyq baǵdarlamalar boıynsha ıpoteka rásimdeıtin qazaqstandyqtardyń ortasha jasyn atady.
Onyń aıtýynsha, qaryz alýshylardyń ortasha jasy baǵdarlama túrine qaraı ózgeredi.
– Memlekettik baǵdarlamalar boıynsha salymshylardyń ortasha jasy 35-te. Al ıpotekalyq qaryz alýshylardyń ortasha jasy – 41-de. Genderlik turǵydan alǵanda, memlekettik baǵdarlamalarǵa qatysatyn áıel salymshylardyń sany basym. Qazirgi tańda olardyń sany 2,7 mıllıonǵa jetip, jalpy salymshylardyń 58 paıyzyn quraıdy. Er azamattar sany – 1,498 mıllıon nemese 42 paıyz, – dedi Lázzat Ibragımova.
Bank tóraǵasynyń málimetinshe, naryqtyq baǵdarlamalar boıynsha da salymshylardyń ortasha jasy 35 jasty quraıdy. Alaıda bul sanattaǵy azamattar ıpotekalyq qaryzdy erterek rásimdeıdi. Olardyń qaryz alýshy retindegi ortasha jasy – 39-da.
Buǵan deıin Otbasy bank basshysy turǵyn úı kezegindegi zańsyzdyqtyń mán-jaıyn túsindirgen edi.
Sondaı-aq zeınetaqy sheginiń ósýi ıpotekaǵa suranysty tómendetpegen.
