Ipoteka ósimi toqtady degen shyndyqqa saı kelmeıdi - QR Ulttyq bankiniń tóraǵasy

ALMATY. 18 jeltoqsan. QazAqparat - Qarashaǵa deıinig ıpoteka ósimi 30 paıyzdy qurady. Bul týraly QR Ulttyq bank tóraǵasy Qaırat Kelimbetov búgin Almatyda qarjy naryǵyndaǵy ahýal týraly baspasóz máslıhatynda aıtty.

«Ipoteka ósimi toqtady degen shyndyqqa saı kelmeıdi. Bul - qalypty baǵa belgileý. Daǵdarysqa deıin ol 80-100 paıyzdy quraǵan bolatyn. Ipotekalyq serpilis damyǵan AQSh-tyń ózin qandaı tyǵyryqqa tiregeni barshaǵa aıan», - deıdi Q.Kelimbetov.

Tóraǵanyń aıtýynsha, ony ekinshi deńgeıli bankterdiń uzaq merzimdi qarjy quraldaryn tartýymen baılanystyrýy da shyndyqqa saı kelmeıdi. Olar buǵan deıin de syrttan tek 6, 12 aılyq qysqa merzimdi qarjy quraldaryn tartyp keldi. Másele olardyń shetelde óz senimdiligin moıyndatýyna baılanysty. Ipoteka ala alatyn tabysy joǵary adamdar qazir de alyp jatyr. Al búkil halyqtyń baspana máselesin tek ıpotekamen sheshýge múmkindigi joq. Olar bul máseleni áleýmettik jaǵdaıyna baılanysty ózge baǵdarlamalar arqyly júzege asyrýǵa múmkindigi bar.