Ipotekanyń eń joǵarǵy mólsherlemesin tómendetý taǵy shegerildi
ASTANA.KAZINFORM — Osylaısha, buǵan deıin aıtylǵan ıpoteka boıynsha eń joǵary mólsherlemeni 20 paıyzǵa deıin tómendetý máselesi keminde alty aıǵa keıinge qaldyryldy.
— Ipotekalyq turǵyn úı qaryzdary boıynsha jyldyq tıimdi syıaqy mólsherlemesin (JTSM) 25%-dan 20%-ǵa deıin tómendetý týraly norma 2026 jylǵy 1 shildege deıin toqtatyldy.
Bul sheshim qazirgi makroekonomıkalyq jaǵdaılardy eskere otyryp, ıpotekalyq kredıtterdiń qunyn retteýde teńgerimdi kózqarasty qamtamasyz etý úshin qabyldandy. Bul halyqqa qaryz qarajatynyń qoljetimdiligi men bank sektorynyń turaqtylyǵy arasyndaǵy tepe-teńdikti saqtaýǵa múmkindik beredi, — delingen Qarjy naryǵyn retteý jáne damytý agenttigi taratqan habarlamada.
Jyldyq tıimdi syıaqy mólsherlemesiniń shekti mólsherleri:
ekinshi deńgeıdegi bankter, bank operatsııalarynyń jekelegen túrlerin júzege asyratyn uıymdar beretin bank qaryzdary boıynsha — kepilsiz bank qaryzdary boıynsha 46 (qyryq alty) paıyz; kepilmen qamtamasyz etilgen bank qaryzdary boıynsha 35 (otyz bes) paıyz; ıpotekalyq turǵyn úı qaryzdary boıynsha 25 (jıyrma bes) paıyz;
Qaýlynyń tolyq mátinimen Agenttik saıtynda tanysýǵa bolady.
Aıta ketelik 2026 jylǵy shildeden ıpotekanyń jyldyq tıimdi syıaqy mólsheri 20 paıyzǵa deıin tómendeıtini týraly jazǵan edik.