Ipoteka arzandaıdy: jańa shek bekitildi
ASTANA. KAZINFORM – Elde ıpoteka arzandaıdy. 1 shildeden bastap onyń shekti mólsherlemesi 25%-dan 20%-ǵa deıin túsedi. Bul týraly Jibek Joly habarlady.
Bul sheshimdi Qarjy naryǵyn retteý jáne damytý agenttigi men Ulttyq bank qabyldaǵan. Nesıe berý talaptary da ózgeredi. Mamyr aıynyń ortasynan bastap bank nesıeleri men mıkrokredıtterdiń paıyzdyq shegi qaıta qaralady.
Mysaly, kepilsiz beriletin nesıelerdiń jyldyq tıimdi mólsherlemesi 46%-dan aspaýy tıis. Al kepilmen alynatyn qaryzdar úshin bul kórsetkish 35%-dan joǵary bolmaıdy.
Halyq arasynda keń taraǵan mıkrokredıtterge de shekteý kúsheıedi. Endi mundaı qaryzdardyń ústinen qosyp tólenetin aqy shekteledi. Ol jylyna 179%-dan aspaýy kerek.
Sondaı-aq, nesıege qatysty barlyq komıssııa men qosymsha tólemder endi bir paıyzdyń ishine engiziledi. Qaryz alýshy naqty qansha tóleıtinin birden kóre alady.
Aıta ketelik Ulttyq bank 20 000 teńgelik banknotany kelesi jyly aınalymǵa shyǵarady.
