IPO-daǵy ahýal: Air Astana aktsııalary 30 paıyzǵa jýyq arzandaǵan

ASTANA. KAZINFORM – Qor naryǵyna shyǵarylǵan Air Astana aktsııalary áýelgi baǵasynan 30 paıyzǵa jýyq arzandaǵan. Bul týraly Kazinform agenttiginiń saýalyna «Samuryq-Qazyna» AQ joldaǵan resmı jaýapta aıtylǵan.

IPO-дағы ахуал: Air Astana акциялары 30 пайызға жуық арзандаған
Фото: Александр Павский/Kazinform

– 2024 jyly aqpanda «Eır Astana» AQ aktsııalary men jahandyq depozıtarlyq qolhattary (JDQ) Astana halyqaralyq qarjy ortalyǵynyń (AIX), Qazaqstan qor bırjasynyń (KASE) jáne London qor bırjasynyń (LSE) saýda alańdaryna shyǵaryldy. Úsh alańdaǵy ornalastyrýdyń jıyntyq kólemi 356 mln AQSh dollaryn qurady. 1 jahandyq depozıtarlyq qolhat (JDQ) – 9,5 dollar, 1 jaı aktsııa – 1 073,83 teńgege (1 JDQ = 4 aktsııa) baǵalandy. Qazirgi ýaqytta kompanııanyń naryqtyq kapıtalızatsııasy 270,4 mlrd teńge (541,8 mln AQSh dollary), - delingen habarlamada.

Sondaı-aq kompanııanyń aktsııalary men jahandyq depozıtarlyq qolhattarynyń ІRO-ǵa shyǵarylǵan kezdegi jáne qazirgi baǵalary qandaı ekenin surap bildik.

- Ornalastyrý baǵasy/qazirgi baǵasy: KASE: bir aktsııa 1 073,83 tg / 765 tg (-28,76%), AIX: bir aktsııa 1 073,83 tg / 770 tg (-28,29%), LSE: bir JDQ 9,5 dollar / 5,95 dollar (–37,37%), - dep kórsetilgen qor málimetinde.

Aıta keteıik, buǵan deıin «Samuryq-Qazyna» AQ basqarma tóraǵasy Nurlan Jaqypov «Air Astana-nyń» IPO-syna qatysty pikirin bildirgen bolatyn.

Сейчас читают