IPO aıasyndaǵy mámileni «Qazatomónerkásip» qarashanyń ortasynda aıaqtamaq
ASTANA. QazAqparat - ІRO aıasynda tıisti mámileni «Qazatomónerkásip» ulttyq atom kompanııasy» AQ bıylǵy qarashanyń orta kezine deıin aıaqtaýdy josparlap otyr. Bul týraly Astanada ótken baspasóz máslıhatynda atalǵan ulttyq kompanııanyń basshysy Ǵalymjan Pirmatov málim etti, dep habarlaıdy QazAqparat.
«Kompanııany «Astana» halyqaralyq qor bırjasy men London qor bırjasyna shyǵara otyryp, biz úshin «Qazatomónerkásipti» óziniń transformatsııasynyń kelesi kezeńine baǵyttaý óte jaýapty is bolyp otyr», - dep toqtaldy Ǵ. Pirmatov.
Onyń atap ótýinshe, ázirge aktsııalardyń qunyna qatysty aıtý erterek. Baǵa deńgeıi aldaǵy ýaqytta jarııalanatyn bolady.
«Onyń kólemi suranysqa baılanysty bolmaq. Baǵaly qaǵazdar zańnamasyna sáıkes, biz kólemniń 20 paıyzyn Qazaqstanda usynýǵa mindettimiz. Endi, Qazaqstanda qansha kólemi ornalastyrylatyny suranysqa baılanysty bolady», - dedi ulttyq kompanııa basshysy.
Atap aıtqanda, qazirgi kezde Qoǵamnyń shyǵarylǵan aktsııalarynyń barlyǵy «Samuryq-Qazynaǵa» tıesili. ІRO aıasynda «Samuryq-Qazyna» qory aktsııalardyń jalpy sanynyń 25 paıyzyna deıin quraıtyn baǵaly qaǵazdaryn usynýǵa nıetti.
Belgili bolǵandaı, menedjment qatysýymen ótetin Roýdshoýdy bastaý shamamen 2018 jylǵy 31 qazanda nemese soǵan jaqyn kúnderge josparlanǵan. Al qarashanyń orta kezinde aktsııalardy ornalastyrý boıynsha kelisimderdi aıaqtaý kózdelip otyr.
