iPhone urlaǵan býdda monahtary vıdeoǵa túsip qaldy
ASTANA. QazAqparat - Taılandta dúkenge kirgen býdda monahtarynyń saýda ıesiniń iPhone uıaly telefonyn jymqyrǵan sáti syrttaǵy baqylaý kamerasyna túsip qalǵan.
Keleńsiz jaǵdaı Chýmporn provıntsııasynda oryn aldy. Eki dinı qyzmetshi qaıyr tilep, kúrish satatyn dúkenge kirip keledi.
Satýshy olardan kúdiktenbeı, ekinshi qabatta salqyndatqysh ornatyp jatqan jumysshylardy qadaǵalap júrgen dúken ıesin shaqyrýǵa ketken, dep habarlaıdy Daily Mail .
Qaraýsyz qalǵan sátte monahtardyń bireýi lápkede jatqan iPhone alyp óziniń jamylǵysynyń ishine tyqqan. Artynsha aram oılylar tezdetip izderin sýytady.
Dúken ıesi urylar týraly habardar etkenge syıaqyǵa 5000 bat (shamamen 150 dollar) berýge uıǵaryp otyr. Uıaly telefon ol úshin tym baǵaly eken. Ótkeni onda banki esepshoty, barlyq iskerlik baılanystary jónindegi derekter bazasy bar kórinedi.
Polıtsııa olardy monahtar emes, urlyq jasaý úshin jalǵan atty jamylǵandar dep esepteıdi.
