iPhone Reseıde «kemshiligi bar taýar» degen belgimen satylyp jatyr

ASTANA. KAZINFORM – Reseıde jańa zańǵa sáıkes otandyq qosymshalardy ornatý mindettelgenimen, iPhone smartfondary RuStore qoldanbalar dúkeninsiz satylýda. Bul týraly TASS habarlady.

1 qyrkúıekten bastap kúshine engen zańǵa sáıkes, óndirýshiler men jetkizýshiler gadjetterde RuStore jáne Max messendjeri sııaqty reseılik qosymshalardy erkin ornatý jáne jańartýdy qamtamasyz etýi tıis.

Alaıda Apple ónimderinde bul talap oryndalmaǵandyqtan, iPhone «kemshiligi bar taýar» degen belgimen satylyp jatyr.

Satyp alýshylardan arnaıy qujatqa qol qoıý talap etiledi. Onda «taýarda kemshilik bar: RuStore dúkenin ornatý jáne paıdalaný múmkin emes» dep kórsetilgen.

Sondaı-aq, qujatta «taýardy satyp ala otyryp, tutynýshy atalǵan kemshilikpen kelisedi jáne ony negizge ala otyryp talap qoıýǵa quqyly emes» dep jazylǵan.

TASS dereginshe, Samsung, Xiaomi, Honor, Huawei jáne basqa da qytaılyq óndirýshiler jańa zańǵa saı qurylǵylarynda RuStore jáne Max messendjerin aldyn ala ornatýǵa daıyn.

Aıta keteıik, Reseı men EO arasyndaǵy saýda 2025 jyly tarıhı mınımýmǵa tústi.