iPhone-niń kelesi býyny tóńkeris jasamaq
ASTANA. QazAqparat - Apple - tehnologııalar jónindegi halyqaralyq arenadaǵy kóshbasshy. Kompanııa óziniń ataq-dańqyn saqtaýǵa únemi tyrysyp keledi. Onyń qurylǵylarynyń kelesi býyny shyn máninde biregeı bolmaq, dep habarlady AppleInsider.
Atap aıtqanda, olar aýanyń ylǵaldylyǵy, atmosferanyń qysymy deńgeıin jáne temperatýrany sensorlardyń kómegimen ólsheı alatyn bolady. Bul týraly Apple bergen patentterden belgili boldy.
Birinshi patentte atmosferalyq ólsheýishter iPhone-ge, iPad-qa jáne «qol saǵattarǵa» yqpaldastyrylýy múmkin ekendigi baıandalady - bul aldaǵy ýaqytta iWatch shyǵýynan habar berse kerek. Taǵy bir patentte sensor «aıfonǵa» paıdalanýshynyń aınalasyndaǵy jaǵdaıdy apparatqa qosylǵan mıkrofonnyń dybysy arqyly taldaýǵa múmkindik beretini aıtylǵan.
Al endi taǵy bir patentte smartfon túımesi saýsaqtar tańbasy arqyly onymen baılanysqa kiretin materıal týraly aqparatty óńdeıtini aıtylady. Mundaı materıaldar, máselen, adamnyń saýsaǵy (onyń temperatýrasyn anyqtaý úshin) nemese aýa bolýy múmkin.
