iPhone qýattandyrǵyshy adam ólimine sebep boldy
ASTANA. QazAqparat - Taıland turǵyny iPhone uıaly telefonynyń jasandy qýattandyrǵysh qurylǵysyn paıdalaný saldarynan qaza tapty, dep habarlaıdy sheteldik BAQ.
Bangkok Post basylymynyń jazýynsha, 28 jastaǵy Phısıt Changlek ótken jyldyń qarashasynda elektr toǵynan mert bolǵan edi. Ol qýat kózine qosylyp turǵan smartfondy qolyna alǵan kezde qysqa tuıyqtalý oryn alǵan ári Changlekti toq soqqan. Qaza tapqan azamattyń qoly men keýdesin qatty kúıik shalǵan. Sot medıtsınalyq saraptamasy da onyń elektr toǵynan ólgendigin dáleldep otyr.
«Qaza tapqan adam paıdalanǵan uıaly telefon sertıfıkattalǵan túpnusqa iPhone telefony bolǵan. Alaıda, qysqa tuıyqtalý oryn alǵan qýattandyrǵysh Apple kompanııasynyń ónimine kóshirme jasaǵan basqa fırmanyń jalǵan qurylǵysy ekeni anyqtaldy», - delingen atalǵan iske tekserý júrgizgen komıssııanyń málimdemesinde.
