iPhone arqyly kólikti kiltsiz otaldyrý múmkin bolmaq
ASTANA. QazAqparat - Apple kompanııasy avtokólik júıelerin iPhone arqyly basqarýǵa múmkindik beretin jańa tehnologııasyn patenttedi. Bul jańa qyzmet túri týraly AQSh-tyń patenttik bıýrosynyń saıtynda habarlanǵan, dep jazady autonews.ru.
Smartfonynda Bluetooth-dyń kómegimen kóligimen baılanys ornatý arqyly onyń ıesi óziniń «temir tulparynyń» qaıda ekenin birden bile alady. Sondaı-aq ol qashyqtyqtan basqarý arqyly avtomobıliniń otaldyrǵyshyn eshqandaı kiltsiz iske qosyp, júk salǵyshyn avtomatty túrde asha alady. Ári, iPhone arqyly mashına ıesiniń ózine qaı jaǵynan taıap kelgenin «bilip», qajetti esikti «asha» qoıady. ıAǵnı, smarfton men avtobomıl ózara málimetter «almasyp» turady. Máselen, iPhone kólik ıesiniń odan bes mınýttyq jerde ekenin «ańǵarsa», salondaǵy jeldetkishti nemese jylytqyshty avtomatty túrde iske qosady. Mundaı baılanys ornatý CarPlay qosymshasynyń arqasynda múmkin bolyp otyr. Onyń kómegimen avtokóliktiń mýltımedııalyq júıesiniń ekranyna túrli qosymshalardy shyǵarýǵa bolady. Atalmysh qosymshany óz kólikterine qosýdy Ferrari , Mercedes-Benz, Volvo, BMW, Ford, Honda, Hyundai, Jaguar Land Rover, Kia, Mitsubishi, Nissan, Peugeot, Citroen, Subaru , Suzuki jáne Toyota qolǵa almaq.
