«iPhone 8» smartfon óndirisine tóńkeris jasaıdy
ASTANA. QazAqparat - Sarapshylar tanymal «Apple» kompanııasynyń «iPhone 8» smartfony mobıldi óndiristiń damýynda tóńkeris jasaıdy dep boljaýda. Kompanııanyń jańa ónimi 2017 jyly shyǵýy múmkin, dep habarlaıdy massaget.kz.
Tehnıkalyq sarapshy, ári jýrnalıst Robert Skoýbl «iPhone 8» smartfony tolyqtaı shynydan jasalatynyn boljap otyr. Onyń resmı derekkózderge súıene otyryp habarlaýynsha, jańa smartfon «OLED» ekranymen jabdyqtalady. Grafıkalyq múmkindigi «Nvidia 1080» kompıýterinen joǵary bolady. Al «3D»-qurylǵy arqyly golografııalyq beıne jasaý men alystan basqarýǵa bolady.
Qazirgi tańda jańa «iPhone 8» smartfonyn jasaýǵa 600 maman kúsh salyp jatyr. Kompanııa qyrkúıek aıynda ǵana «iPhone 7»-ni shyǵarǵan edi.
