iPhone 7 smartfonynyń qabyn endi ashqysh pen tutatqysh retinde de paıdalanýǵa bolady
ASTANA. QazAqparat - Adamdardyń smartfonǵa tutandyrǵysh, jylytqysh pesh nemese ashqysh qural jetispeıdi degen qaljyńy shynǵa aınaldy. Telefon qabyn óndirýshi ZVE kompanııasy osy usynystardy eskere otyryp, soqqyǵa tótep bere alatyn iPhone 7 smartfonynyń qabyn shyǵardy.
Onyń elektr tutatqyshy men shólmektiń qaqpaǵyn ashatyn qurylǵysy bar. Basqa aıtqanda, jańa aıfonnyń qabynda qala azamatyna kerektiniń barlyǵy bar.
Qaptyń 540 temekini tutatýǵa qaýqary jetetin jeke batareıasy qarastyrylǵan. Ol Lightning symy arqyly 1,6 saǵatta tolyqtaı qýattalady. Qapta jyljymaly syra ashqysh ornatylǵan.
AQSh-ta osy qaptar jeńildikpen $20-ǵa satylýda. Onyń tolyq baǵasy - $50-dy quraıdy.
