iPhone 7-niń iPhone 6-dan qandaı artyqshylyqtary bolady?
ASTANA. QazAqparat - iPhone 7 dıspleıi iPhone 6-nikine qaraǵanda úlkenirek bolmaq. Bul týraly The International Business Times-ke siltememen Lenta.ru jazady.
Derekterge sáıkes, iPhone 7-niń dıspleıi iPhone 6 Plus-ke (dıoganali boıynsha 5,5 dıýım) qaraǵanda úlken bolmaq. Budan basqa, básekelesterine keı tustarynyń kemshiliginen jol bergen iPhone 5 qateligin boldyrmaý úshin onyń beınerolık kórsetý sapasy joǵary, ıaǵnı anyq ári tunyq bolmaq.
Frontaldyq panelden saýsaq tańbasy tetigimen bolmaýy múmkin, esesine sensorlyq ekrandaǵy ınterfeıstiń navıgatsııa múmkindigi jetildirilmek. Apparatty ashý úshin adam túrin taný tehnologııasy paıda bolady dep kútilýde.
iPhone 5S shyǵar aldynda keı BAQ saýsaq tańbalary skaneri ekranǵa ornalastyrylady dep boljaǵan. Biraq bul tek boljam bolyp shyqty.
iphone 7 update resýrsynyń boljamynsha, Apple smartfonynyń ekrany jaqut shynydan jasalýy múmkin. Ol Gorilla glass jabyndysyna qaraǵanda tózimdi bolyp keledi. Apparat korpýsy tutastaı «suıyq metaldan» jasalýy múmkin.
Uzaq ýaqyttan beri iPhone kamerasy tunyqtyǵy 8 megapıksel bolyp keledi. Endi ol 14-ge deıin ulǵaıady. Qurylǵynyń sondaı-aq kiriktirme proektory bolmaq. Bul bıznes paıdalanýshylaryn qyzyqtyrýy múmkin. Buryn mundaı artyqshylyq Samsung Beam pen Lenovo planshetinde bolǵan.
BAQ iPhone 7-niń tórt ıadroly protsessory bolady dep boljaýda. Jady kólemi - 256 gıgabaıtqa deıin ulǵaıady. Sonymen birge, elektr únemdeý tehnologııasynyń arqasynda batareıanyń jumys merzimin ulǵaıtý kútilýde.
