iPhone 7 men Galaxý S6 arasynda qandaı uqsastyq bolady?
ASTANA. QazAqparat - Apple kompanııasy shyǵaratyn kelesi aıfon túriniń pishini týraly túrli aqparat taralýda. Málimetterge sensek, iPhone 7 smartfonynyń ekrany maıysqaq bolady. Bul dızaın Samsung kompanııasynyń Galaxý S6 Edge qurylǵysynykimen birdeı degen sóz.
Tehnologııalar salasyndaǵy sarapshylardyń aıtýynsha, Apple telefonnyń mólsherin ulǵaıtpastan, ekranyn keńeıtýdi jón kórgen. Bul smartfonnyń maıysqan shetteri qosymsha fýnktsııa úshin paıdalanylady. Sondaı-aq jańa qurylǵyda mýzyka tyńdaýǵa arnalǵan qulaqqapty jalǵaıtyn sańylaý bolmaıdy. Osynyń arqasynda iPhone 7 smartfonynyń korpýsy óte jińishke etip shyǵarylady, dep jazady planet-today.ru-ǵa siltememen 24.kz.
