iPhone 6 smartfonynyń taǵy bir kemshiligi anyqtaldy
ASTANA. QazAqparat - iPhone 6 smartfonynyń taǵy bir kemshiligi anyqtaldy, dep jazady sheteldik BAQ.
Amerıkanyń Apple kompanııasynan shyqqan jańa gadjetti paıdalanýshylar smartfonnyń taǵy bir jaǵymsyz ereksheligin tapty. Paıdalanýshylardyń sózine qaraǵanda, adamnyń basy men saqalynda ósetin shash pen túk únemi konstrýktsııa elementteriniń arasynda turyp qalady.
9to5Mac habarlaǵandaı, iPhone 6 shashty julyp, smartfon ıeleriniń ózderin jaǵymsyz sezinetindikteri jaıly blogtarda qazan aıynyń bas kezinde aıtylyp júrdi. Apparat ıeleriniń sózine qaraǵanda, bul problemaǵa dıspleı shynysy men onyń metall jıeginiń arasynda ornalasqan shaǵyn sańylaýlar sebep bolǵan.
«Meniń shashtarym sóılesý kezinde shyny men korpýs arasyndaǵy sańylaýǵa túse beredi. Al tutqany qulaǵymnan alǵan kezde, aýyryp ketedi», - dep shaǵym aıtqan paıdalanýshylardyń biri.
