iPhone 6 satylymnyń jańa rekordyn ornatýy múmkin
ASTANA. QazAqparat - Apple-dyń uıaly telefondaryna qumar jandar jańa iPhone 6-nyń satylymǵa shyǵatyn kúnin taǵatsyzdana kútip júr. Keı derekter boıynsha, ol 19 qyrkúıekten keıin jaryqqa shaǵady.
Jańa uıaly telefonnyń naryqqa birden eki túri shyǵarylmaq. Birinshisiniń dıspleıi 5,5 dıýımdi, jady 128 Gb quraıdy. Ekinshisiniń dıspleıi 4,7 dıýımge shaqtalyp, jady 64 Gb shamasynda bolmaq. Sońǵysynyń bir ereksheligi ol jańa Gorilla Glass 3 qorǵaýshy qabatymen jabdyqtalady.
Eki nusqaǵa da tunyqtyǵy 8 megapıksel kamera jáne A8 protsessory qondyrylady jáne olar aldyńǵy nusqalaryna qaraǵanda áldeqaıda juqa bolady. Alaıda Taıvan sarapshylary tehnıkalyq qýaty joǵary bolsa da úlken model kishisine qaraǵanda az satylady dep joramaldap otyr.
Aldyn ala boljam boıynsha, 2014 jyldyń aıaǵyna deıin 80 mln. jańa iPhone shyǵarylmaq.
