iPhone-6 arqasynda Apple rekordty tabysqa jetti
ASTANA. QazAqparat - Apple kompanııasy bir toqsanda 18 mlrd. dollar paıda taýyp, rekordtyq tabysqa jetkendigin málimdedi, dep habarlaıdy VVS.
Kompanııa sarapshylarynyń pikirinshe, mundaı jetistikke olar iPhone-6 smartfonynyń arqasynda qol jetkizip otyr. Naqtyraq aıtqanda, 2014 jyldyń sońǵy toqsanynda álem boıynsha barlyǵy 74 mln. iPhone-6 satylǵan. Eń kóp suranys Qytaıdan jasalypty. Onda satylym 2013 jyldyń sol kezeńimen salystyrǵanda 70 paıyzǵa artyp ketken.
