IPho-nyń brazılııalyq qatysýshysy: Qazaqstan óziniń baı mádenı murasymen jáne dástúrimen áser etti
ASTANA. QazAqparat - Qarqyndy damýy jáne erekshe arhıtektýrasynan bólek, Qazaqstan óziniń baı mádenı murasymen, dástúrimen áser etti. Astanadaǵy fızıkadan 45-shi Halyqaralyq olıpıadaǵa (IRho) Brazılııanyń atynan kelgen Danıel Mıtsýtanı QazAqparat tilshisimen óz áserimen bólisti.
Brazılııadan kelgen qatysýshynyń aıtýynsha, IRho-ǵa qatysý oǵan jáne basqa da qatysýshylarǵa Qazaqstan týraly tereńirek bilýge múmkindik berdi.
«Sharanyń joǵary deńgeıde uıymdastyrylýynyń arqasynda barlyq qatysýshylar Qazaqstannyń astanasynyń ásemdigin sezine aldy», - dedi ol.
«Qaladaǵy ásem ǵımarattardyń ishinde maǵan Beıbitshilik pen kelisimshart saraıy jáne Astananyń sımvoly Báıterek qatty unady. Olardyń arhıtektýrasy aıryqsha áser etti», - dep qosty D.Mıttsýtanı.
Jas brazılııalyq qatysýshyǵa sonymen qatar túrli dástúrli aspaptarda oınalǵan qazaqtyń ulttyq mýzykasy da unapty.
«Men qazaq halqynyń salt-dástúrlerimen jaqynyraq tanysý úshin Qazaqstanǵa taǵy da kelgim keledi», - dedi brazılııalyq qonaq.
