iPad-qa da allergııa bolady eken
ASTANA. QazAqparat - AQSh-ta 11 jasar balada iPad-qa allergııa paıda boldy. Jergilikti klınıkanyń dárigerleri balany tekserýden ótkize kele osyndaı sheshimge keldi.
Pediatrics jýrnalynyń jazýynsha, naýqasty tekserip, onyń denesindegi bórtpelerdi baıqaǵan aq halattylar buǵan iPad-ty jasaý kezinde paıdalanylatyn nıkel sebep boldy degen sheshimge keldi. Balanyń ata-anasy 2010 jyly oǵan atalmysh quraldy satyp alyp bergen eken, bala sol kezden beri ony kún saıyn paıdalanyp kelgen.
Allergııadan qutylý úshin oqýshy steroıdtarmen jáne antıbıotıktardyń kómegimen emdeý kýrsynan ótýge májbúr bolǵan.
Zertteý nátıjelerine sáıkes, adamdarda jasalýy kezinde nıkel paıdalanylatyn elektrondyq jabdyqtarǵa allergııanyń paıda bolýy jıilep barady. Búgingi tańda AQSh-taǵy balalardyń 25%-nan nıkelge allergııa anyqtalǵan. On jyl buryn bul kórsetkish 17%-dy quraǵan. Dárigerler mundaı jaǵdaıda quralǵa arnalǵan qapshyq nemese plenkany paıdalanýǵa keńes beredi.
