Iosıf Stalınniń AQSh-taǵy nemeresi sýretterimen jurtty shoshytty
ASTANA. QazAqparat - Iosıf Stalınniń 43 jastaǵy nemeresi Krıs Evans (Chrese Evanse) AQSh-tyń Portlend qalasynda (Oregon shtaty) turady, onyń jeke antıkvarlyq dúkeni bar. Jaqynda ol áleýmettik jelilerde qarý-jaraq asynyp túsken sýretin jarııalap, Internet paıdalanýshylardy shoshytty, dep jazady lenta.ru.
Jelide onyń sýretin kórgen jan «túrine qara, atasyna uqsamaıdy», «Stalındeı emes», «Óz kózime sene alar emespin» degen syńaıdaǵy tańqalyp, tańdaı qaqqan sózderin jazyp jatyr.
Jalpy, ol tanymal adam emes, ol týraly aqparat óte az. 1966 jyly onyń anasy, Iosıf Stalınniń qyzy Svetlana Allılýeva Úndistanǵa dostyq saparmen baryp, AQSh Elshiliginen saıası pana suraǵan bolatyn. 1970 jyly esimin Lana Pıters dep ózgertken Svetlana AQSh azamatyna turmysqa shyǵyp, dúnıege Krıs esimdi qyzyn ákeldi.
1984 jyly kósemniń qyzy Keńes odaǵyna oralyp, biraq munda eki jyl ǵana tura alady. Sosyn keri, AQSh-qa ketedi. Keıbir derekterde Krıs Evanstyń anasymen baılanysy onyń KSRO-ǵa ketkeni úshin úzilip qalǵany aıtylady. Svetlana 2011 jyly AQSh-ta qaıtys bolǵan.
