Iosıf Kobzon ózine zırattan jer satyp aldy
ASTANA. 23 jeltoqsan. QazAqparat - Reseı estradasynyń ánshisi Iosıf Kobzon óziniń anasy jerlengen Vostrıakovsk zıratynan jer satyp aldy.
Bul týraly NTV telearnasy habarlady.
Aıta keteıik, buǵan deıin Máskeýdiń burynǵy meri ıÝrıı Lýjkov Reseıdiń halyq ártisi Iosıf Kobzon úshin «elıtaly» Novodevıche zıratynan jerge «bron» jasap qoıǵan bolatyn. Ánshiniń óziniń tańdaýy bolsa qarapaıym Vostrıakovsk zıratyna tústi. «Men ózime anamnyń janynan oryndy belgilep qoıdym. Maǵan eshqandaı qurmetter qajet emes», - dedi ártis telearnaǵa bergen suhbatynda.
Eske salaıyq, keńestik dáýirdiń qurmetti ártisi, lırıkalyq barıtonnyń ıesi, 24 jeltoqsan kúni Astanada «Men seni súıemin ómir» atty mereıtoılyq kontsertin beredi.
2012 jyldyń 11 qyrkúıeginde KSRO halyq ártisi jáne KSRO Memlekettik syılyǵynyń laýreaty I.Kobzon 75 jyldyq mereıtoıyn atap ótti.
