Iosıf Kobzon: halyq saılaýǵa shyn júrekten daýys berýge kelip jatyr
ASTANA. QazAqparat - Halyq saılaýǵa shyn júrekten daýys berýge kelip jatyr. Bul týraly búgin QR Parlamenti Májilisin saılaý barysyn baqylaýǵa kelgen sheteldik delegattardyń baspasóz máslıxatynda KSRO Halyq ártisi, RF Memlekettik dýmasynyń depýtaty Iosıf Kobzon málim etti.
"Men baýyrlas elge kelip otyrmyn. Qazaqstanǵa baýyr basyp qalǵanym sonshalyq, men bul el týraly sheksiz aıtyp otyra alamyn. Men Qazaqstanǵa alǵash ret 1956 jyly áskerı mindetimdi atqarý úshin kelgen bolatynmyn. Qostanaı oblysynda tyń ıgerýge qatystym. Sodan beri men Qazaqstandy jaqsy kóremin. Sol ýaqyttan beri men bul elge jyl saıyn kelip otyramyn", - deıdi I. Kobzon.
Onyń aıtýynsha, Qazaqstandaǵy saılaý xalyqtyń óte úlken belsendiligimen ótip jatyr.
"Baıqaýshy retinde aıtaıyn degenim, saılaý óte belsendi ótýde, xalyq shyn júrekten daýys berip jatyr. Barlyq jerde kezek kóp. Men úlken qyzyǵýshylyqpen qaradym, sebebi bizdiń elde bıyl saılaý ótedi jáne olardan osyndaı azamattyq kózqarastaryn osyndaı belsendilikpen tanytqandaryn qalar edim", - dedi RF baıqaýshysy.
Aıta keteıik, QR Parlamenti Májilisiniń depýtattaryn saılaý barysyn baqylaýǵa 817 xalyqaralyq baıqaýshy men 147 sheteldik BAQ ókilderi kelip otyr.
