Iordanııanyń Elshisi ınvestıtsııalar jáne halyq aldyndaǵy jaýapkershilik týraly baıandady
Áńgimelesý barysynda Sybaılas jemqorlyqqa qarsy vedomstvo basshysy sońǵy zańnamalyq bastamalar týraly habardar etti. Atap aıtqanda, ákimshilik sybaılas jemqorlyq quqyq buzýshylyqtar tizbesin keńeıtý jáne Agenttikke jaqyn arada qajetti quzyretter berý týraly áńgime boldy.
Sheteldik dıplomat Antıkor júrgizip jatqan jumystyń serpindiligin, sondaı-aq, oǵan degen Iordanııadaǵy parasattylyq jáne sybaılas jemqorlyqqa qarsy is-qımyl jónindegi komıssııa tarapynan joǵary qyzyǵýshylyqty atap ótti. Eki vedomstvo arasynda jasalǵan yntymaqtastyq týraly memorandým aıasynda, Covid-19 pandemııasyna baılanysty shekteýler alyp tastalǵan jaǵdaıda, aǵymdaǵy jyldyń jazynda ıordan delegatsııasynyń Nur-Sultan qalasyna sapary uıymdastyrylady.
ıÝsýf Abdelǵanı myrza memlekettik qyzmettegi jaǵymsyz qylyqtardyń teris saldaryn atap ótti: «Óz ustanymyn teris paıdalanǵan kóshbasshy búkil júıeni buzady. Onyń tek zań aldynda ǵana emes, búkil halyq aldynda jaýapty ekenin túsiný qajet».
Elshi bıznesti qorǵaý turǵysynan sybaılas jemqorlyqqa qarsy is-qımyldyń mańyzdylyǵyna erekshe nazar aýdardy. Ol 7 sáýirde ótetin aldaǵy Business Integrity Forum aıasynda Iordanııadaǵy ınvestıtsııalardy qoldaý jáne qorǵaý týraly baıandaıdy.
Kezdesý sońynda dıplomatqa azamattarmen tikeleı jumys isteý úshin ashylǵan Antıkor-ortalyq tanystyryldy. Onda baspasóz ortalyǵy da ornalasqan. Onyń jumysy aıasynda «Antikor.Live» jobasy iske asyrylýda, ol sybaılas jemqorlyqqa qarsy saıasatpen qandaı da bir túrde janasatyn máselelerdi túrli salalardaǵy sarapshylardyń túsindirýi úshin alań retinde ashylǵan. Iordanııalyq áriptester sybaılas jemqorlyqqa qarsy habardarlyqty arttyrý jónindegi is-sharalardy iske asyrý aıasynda osy tájirıbeni qoldanbaq.
Abdelǵanı myrza jobanyń «Facebook» jáne «Youtube» áleýmettik jelilerinde ótken tikeleı efırine qatysty. Sheteldik dıplomatııalyq korpýs ókiliniń qatysýymen suhbat alǵash ret «Qazaqparat» HAA saıtynda kórsetildi.
