Iordanııanyń bas qalasyndaǵy kóshelerdiń birine Astana ataýy berildi
AMMAN. QazAqparat - Baqyt Sultanov resmı saparymen Ammanǵa bardy, dep habarlaıdy QazAqparat qala ákimdiginiń saıtyna silteme jasap.
Búgin Iordanııa astanasy kósheleriniń birine Qazaqstannyń elordasy - Astana ataýy berildi. Kósheni ashý saltanatyna Qazaqstan astanasynyń ákimi Baqyt Sultanov pen Iordanııanyń bas qalasy Ammannyń meri ıÝsýf ál-Shaýarıba qatysty.
Astana ákimi Baqyt Sultanov Qazaqstan Prezıdenti Nursultan Nazarbaev pen Iordanııa koroli ІІ Abdolla arasyndaǵy dostyq qarym-qatynastyń ózgelerge úlgi ekendigin, eki eldiń múddesi úshin qyzmet etetinin tilge tıek etti.
Ol ammandyqtarǵa Elbasymyzdyń qyzmetine degen yqylasy úshin óz alǵysyn bildirdi. 2010 jyly Iordanııa astanasyndaǵy ortalyq kóshelerdiń birine Nursultan Nazarbaevtyń esimi berilgen bolatyn.
«Biz barsha ammandyqtarǵa bizdiń Elbasyǵa kórsetken qurmeti úshin óz alǵysymyzdy aıtamyz. Jańa ǵana joǵary mártebeli Shaýarıba myrzamen birge Nursultan Nazarbaev atyndaǵy kóshede bolyp, onyń damýyn kórip qaıttyq. Al endi Qazaqstan astanasynyń atymen atalatyn kósheni ashyp otyrmyz. Bul oqıǵa jas Astananyń 20 jyldyǵy toılanyp jatqan jyly oryn alyp otyr. Ol bizdiń qalalar men elderdiń turǵyndary arasyndaǵy qarym-qatynastyń nyǵaıa túsýine jańa ımpýls beretindigine senimdimin», - dedi B. Sultanov.
Óz kezeginde Amman meri ıÝsýf ál-Shaýarıba eki el astanalary arasyndaǵy yntymaqtastyqtyń aldaǵy ýaqytta da jemisti bolatyndyǵyna óz senimin bildirdi.
«Bizdiń halyqtardyń arasyndaǵy qarym-qatynas pen eki el basshylarynyń arasyndaǵy saıası dostyq ózgelerge úlgi. Astana - zamanaýı qalanyń úzdik etalony. Odan álemniń basqa qalalary úlgi alady. Sol sebepti, Iordanııanyń bas qalasynda Astana atyndaǵy kósheniń ashylǵany biz úshin úlken qurmet. Ol bizdiń memleketterimizdiń arasyndaǵy dostyq pen jemisti yntymaqtastyqty beıneleıdi», - dedi ıÝsýf ál-Shaýarıba.
Kósheni ashý saltanaty Astana ákimi Baqyt Sultanovtyń Iordanııanyń bas qalasyna jasaǵan resmı saparynyń aıasynda ótti. Kezdesý barysynda Astana ákimi men Amman meri eki eldiń aldaǵy ýaqyttaǵy túrli salada yntymaqtastyqta is júrgizýiniń áleýetin talqylaǵan bolatyn.
«Bizdiń Ammanǵa saparmen kelýimiz ýrbanıstıkalyq damý salasyndaǵy eki jaqty yntymaqtastyqty belsendendirýge zor múmkindik beredi. Ammanda kólik, kógaldandyrý, qurylys, smart-tehnologııalar, ákimshilik úrdisterdi jeńildetý, avtomattandyrý, bıznes-ortany jaqsartý salalarynda kóptegen iri reformalar men jobalardyń júzege asyrylyp jatqandyǵyn bilemiz. Astanada da atalmysh baǵyttardaǵy jumys belsendi júrgizilýde. Bul salalarda bizdiń bir-birimizge úıreterimizdiń az bolmaıtyndyǵyna esh kúmánim joq. Biz tájirıbemizben, bilimimizben bólisýge daıynbyz», - dep atap ótti Sultanov.
Ol sondaı-aq, Amman meriniń esine Qazaqstannyń bas qalasynda jyl basynan halyqaralyq «Astana» qarjy ortalyǵynyń jumys istep jatqanyn salyp, ıordanııalyq bıznesmenderdi onyń jumysyna qatysýǵa shaqyrdy. Astana kóshesiniń ashylý saltanatynda qazaqstandyq jáne ıordanııalyq mýzykanttardyń súıemeldeýimen ulttyq áýender shyrqalyp, dástúrli halyqtyq bıler oryndaldy.
Eske salaıyq, 2012 jyldyń qańtarynda Astanada Iordanııa Koroli marqum Joǵary mártebeli Hýseın ben Talaldyń qurmetine kóshe ataýy berilgen bolatyn. Astana ákimdigi men Amman qalasynyń mýnıtsıpaldy organy arasynda týystyq qarym-qatynas ornatý týraly kelisim-shart 2005 jyldyń 8 qarashysynda bekitildi.
