Iordanııalyqtar Ál-Aqsa meshitin qorǵaý úshin kóshege shyqty
AMMAN. QazAqparat - Musylmandardyń úshinshi qasıetti mekeni sanalatyn Ierýsalımdegi Ál-Aqsa meshitine qatysty ızraıldik arandatýǵa qarsy narazylyq retinde Amman jáne barsha Iordanııa Hashımıt Koroldigi boıynsha basqa da qalalarda myńdaǵan ıordanııalyqtar kóshege shyqty. 15 qyrkúıekten bastap ótip jatqan demonstratsııany Iordanııa «Islam is-qımyl maıdany» (IІM) uıymdastyrdy.
Marsh barysynda Amman ortalyǵynda yzaly demonstranttar ál-Haram ál-Kýds ash-Sharıf meshitin qoldaıtyn urandar kóterdi, arab elderin ıslamnyń úshinshi qasıetti mekeni - Ál-Aqsa meshitin qorǵaý úshin sharalar qabyldaýǵa shaqyrdy.
IІM ókili Mýrad Adeılah demonstratsııany «Ál-Aqsa» meshitine ızraıldik agressııaǵa qarsy «Yzaly kún» dep sıpattady. «Barsha Koroldikten ıordanıalyqtar búgin Ál-Aqsa» meshitin qoldaý úshin kóshege shyqty. Olar Iordanııa úkimetin Izraılmen dıplomatııalyq qatynastardy úzip, saıası jáne ekonomıkalyq yntymaqtastyqty toqtatýǵa shaqyrdy», - dedi ol.
