Iordanııalyq saıasatker: 2017 jyl Qazaqstannyń halyqaralyq arenadaǵy tabystarymen este qaldy
AMMAN. QazAqparat - 2017 jyly Qazaqstan halyqaralyq saıası arenada belsendi qatysýshy men bitimgerge aınaldy. Bul pikirdi «QazAqparat» HAA tilshisine Iordanııanyń tanymal jazýshysy jáne saıası qaıratkeri, «Qazaqstan. Azap pen úmit sımfonııasy» kitabynyń avtory Mýna Al-Mahamra Táýelsizdik kúnine oraı Qazaqstannyń Iordanııadaǵy Elshiligi uıymdastyrǵan saltanatty qabyldaýda aıtty.
QR Elshiligi uıymdastyrǵan dıplomatııalyq qabyldaýǵa Iordanııanyń resmı tulǵalary men zııaly qaýym ókilderi, AQSh, Reseı, Ázerbaıjan, Túrkııa, Qytaı dıplomattary jáne iri bıznes kompanııalardyń ókilderi qatysty.
«Qysqa tarıhı kezeńde Qazaqstan ekonomıkasy 20 esege ósti, iri halyqaralyq korporatsııalar Qazaqstanǵa 265 mlrd dollardan astam ınvestıtsııa quıdy. Bıyl Qazaqstan álemdik básekege qabilettilik reıtınginde 32-shi oryndy jáne «Bıznesti júrgizýdiń qarapaıymdylyǵy» ındeksinde 35-shi oryndy ıelendi. Prezıdent Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýynda jarııalanǵan ekonomıkalyq ósimniń jańa modeli elimizdiń ór maqsattarǵa jetý jolyn sıpattaıdy. Onda jańa joǵary tehnologııaly salalarǵa, aqparattyq jáne kommýnıkatsııalyq tehnologııalarǵa, iskerlik ortany jaqsartý men ınstıtýttsıonaldy reformalarǵa negizdelgen Qazaqstannyń jedel tehnologııalyq jańǵyrtylýyna basa mán beriledi», - dedi Iordanııadaǵy QR Elshisi Azamat Berdibaı óz sózinde.
Iordanııanyń tanymal jazýshysy jáne saıası qaıratkeri, «Qazaqstan. Azap pen úmit sımfonııasy» kitabynyń avtory Mýna Al-Mahamra QR Táýelsizdiginiń 26 jyldyǵyna oraı, óziniń quttyqtaý lebizin bildirdi. M.F.Mahamranyń pikirinshe, syrtqy saıasattaǵy negizgi jetistikteriniń biri - Qazaqstannyń 2017-2018 jyldarǵa BUU Qaýipsizdik Keńesine turaqty emes múshesi atanýy.
«Qazaqstannyń Sırııadaǵy shıelenisti taraptardy bitimge shaqyrýǵa eleýli kúsh salyp, tabystarǵa qol jetkizgeni qýantady. Sırııa aýmaǵyndaǵy atys-shabys toqtatylyp, bosqyndar óz úılerine orala bastady. Odan bólek, ıadrolyq synaqtardyń zardabyn bir kisideı tartqan Qazaqstan jahandyq ıadrolyq qarýǵa qarsy qozǵalystyń belsendi qatysýshysyna aınaldy. Qazaqstanda tómen baıytylǵan ýran bankiniń ashylýy da jahandyq qaýipsizdikti nyǵaıtýǵa jáne ıadrolyq qaýip-qaterdi azaıtýǵa qosylǵan eleýli úles», - dep atap ótti M.F.Mahamra.
Mahamra óziniń «Qazaqstan. Azap pen úmit sımfonııasy» kitabyn kezdeısoq jazǵan joq, ol - «ıAdrolyq qarýdy taratpaý jáne joıý parlamentarıiniń» ıordanııalyq úılestirýshisi. Sonymen birge, 2017 jyl ekijaqty yntymaqtastyqtyń artýymen este qaldy. Qazaqstanǵa resmı saparmen barǵan Iordanııa Koroli N.Nazarbaevtyń «ıAdrosyz álem jáne jahandyq qaýipsizdik» marapatynyń alǵashqy laýreaty atandy.
«Men Jaratqannan ǵajap memleketke jaqsylyqtar, Qazaqstan Prezıdenti N.Nazarbaevqa zor densaýlyq tileımin. Qazaqstan damý men beıbitshiliktiń úlgisi bola bersin. Ózge eldermen salystyrǵanda, Iordanııa men Qazaqstannyń beıbitshilikke qol jetkizýdegi baǵyty bir», - dedi M.F.Mahamra.
