Iordanııadaǵy qaqtyǵys saldarynan 130 adam jaraqat alyp, 1 adam opat boldy
ASTANA. 26 naýryz. QazAqparat - Iordanııa astanasy Amman qalasynda el úkimetiniń jaqtastary men úkimetke narazylyq tanytýshylar arasynda qaqtyǵys boldy. Tártipsizdikter saldarynan bir adam opat bolsa, kem degende 130 adam jaraqat aldy,
dep habarlaıdy Al-Arabiya telearanasyna silteme jasaǵan RBK agenttigi.
Iordanııa bıligine narazalyq tanytýshylar tarapynyń ózinen ǵana oqıǵaǵa shamamen 2 myń adam qatysty dep habarlanǵan.
Eldiń Premer-Mınıstri Marýf ál-Bahıt bolǵan oqıǵalarǵa ıslamıster jaýapty ekenin, alda taǵy da jańa qaqtyǵystar bolsa, onyń saldary qatty bolatynyn málim etti.
Iordanııadaǵy narazylyq sharalary 2011 jylǵy qańtardyń sońynan beri jalǵasyp keledi. Narazy halyq saıası reformalardyń júrgizilýi men jemqorlyqqa qarsy tıimdi sharalar qabyldanýyn talap etýde.
Aqpan aıynda Iordanııanyń koroli Abdalla ІІ narazylyq tanytýshylardyń tilekterin qabyl alyp, el úkimetin otstavkaǵa jibergen bolatyn.
