Iordanııada jerleý rásimi kezinde shirkeýde atys boldy
ASTANA. KAZINFORM — Iordanııanyń ońtústigindegi Karak provıntsııasynda shirkeýde adamdarǵa oq atylyp, qaza tapqandar men jaralanǵandar bar.
23 qazanda Karak provıntsııasynyń Hammýd aýylyndaǵy grek pravoslav shirkeýinde jerleý rásimi ótip jatqanda, belgisiz qarýly adamdar oq atqan.
Aldyn ala boljam boıynsha, 7 adam qaza taýyp, taǵy 10 adam jaraqat alǵan. Zardap shekkenderdiń keıbiriniń jaǵdaıy aýyr.
Iordanııanyń Qoǵamdyq qaýipsizdik basqarmasy shirkeýde oq atylǵanyn, qaza tapqandar men jaralanǵandar baryn rastady. Alaıda qurbandardyń naqty sanyn ázirge jarııalaǵan joq.
BREAKING: At least 7 killed after armed men open fire inside church in Jordan’s Karak province https://t.co/m5KxJPXMbS
— Klaxon Wire (@KlaxonWire) October 23, 2026
Kýágerlerdiń aıtýynsha, qarýly eki adam kólikten túsip, shirkeý mańynda jerleý rásimine qatysyp turǵan adamdarǵa oq jaýdyrǵan. Jaralanǵandar keıin hanzada Álı atyndaǵy áskerı gospıtalǵa jetkizildi.
Iordanııa úkimetiniń resmı ókili, úkimettik baılanys mınıstri Muhammed ál-Momanı qaýipsizdik kúshteri oqıǵa ornynda jumys istep jatqanyn málimdedi.
Onyń sózinshe, shabýyldyń mán-jaıy tekserý aıaqtalǵan soń resmı túrde jarııalanady. Mınıstr jurtshylyqty quqyq qorǵaý organdarynyń jumysyna kedergi keltirmeýge jáne tek resmı aqparatqa súıenýge shaqyrdy.
Qoǵamdyq qaýipsizdik basqarmasy shabýylǵa qatysy bar adamdardyń izdestirilip jatqanyn habarlady. Vedomstvo oqıǵa týraly tekserilmegen aqparatty taratpaý qajet ekenin aıtty.
Shabýyldyń sebebi men oq atqandardyń kim ekeni ázirshe belgisiz.
Buǵan deıin Iordanııada eski oq-dári jarylyp, bir adam qaza tapqanyn jazǵan edik.
