Iordanııada vaktsına almaǵan qyzmetkerler aptasyna eki ret PTR test tapsyratyn bolady

AMMAN. QazAqparat – Hashımıt koroldigi COVID-19 vaktsınasyn almaǵan azamattardyń jumysyn zań negizinde retteıtin sharalar qabyldaýda, dep habarlaıdy QazAqparat Iordanııa úkimetine silteme jasap.

Mundaı qadam koronavırýstyń úshinshi tolqyny aldynda jasalǵan saqtyq sharalary bolmaq.

17 shildede Iordanııanyń Premer-mınıstri Bısher Hasaýne №32 qorǵanys buıryǵyna qol qoıdy, ol áli COVID-19 vaktsınasyn almaǵan adamdar úshin jaǵdaıdy qatańdatady.

Jańa erejelerge sáıkes, vaktsınanyń eki dozasyn almaǵan memlekettik sektordaǵy kásiporyndar men mekemelerdiń qyzmetkerleri aptasyna eki ret – jeksenbi jáne beısenbi kúnderi basshylyqqa 72 saǵat buryn jasalǵan PTR testiniń teris nátıjesin tapsyrýlary tıis.

Esterińizge sala keteıik, birqatar arab elderinde aptanyń birinshi jumys kúni – jeksenbi, al sońǵysy – beısenbige keledi.

Buıryqta kórsetilgendeı, osy talaptardy saqtamaǵany úshin 100-den 500-ge deıin ıordan dınary (60 200-den 301 100 teńge aralyǵynda) mólsherinde aıyppul salynady. Engizilgen erejeler 5 tamyzdan bastap kúshine enedi, al 15 tamyzdan bastap ákimshilik qyzmetkerler men bilim berý mekemeleriniń oqytýshylaryna, sondaı-aq JOO stýdentterine qatysty osyndaı talaptar engizilmek.

Buıryqqa sáıkes, PTR-testileýdi Iordanııanyń Densaýlyq saqtaý mınıstrliginiń arnaıy ortalyqtarynda tegin alýǵa bolady.