Iordanııada úkimettiń jańa quramy bekitildi
AMMAN. QazAqparat – Iordanııada premer-mınıstr Bısher ál-Hasaýna basqaratyn úkimettiń jańa quramy bekitildi, dep habarlaıdy QazAqparat PETRA agenttigine silteme jasap.
Dúısenbi kúni Koroldiń buıryǵymen Bashır ál Hasaýna premer-mınıstr men qorǵanys mınıstri qyzmetine taǵaıyndaldy. Jańartylǵan mınıstrler kabıneti Ál Hýseınııa saraıynda Korol ІІ Abdallanyń aldynda ant berdi.
Al koronavırýsqa shaldyqqan jańa úkimettiń múshesi – Mahmýt Harabsheh karantınnen keıin ant beredi.
Saltanatty sharaǵa Koroldiń uly – murager hanzada Hýseın jáne Hashımıt Koroldigi sotynyń tóraǵasy ıÝsef Issavı qatysty.
Premer-mınıstr ekonomıkalyq turaqtylyqty arttyrý, kedeılik pen jumyssyzdyqpen kúresýdiń mańyzdylyǵyn atap ótti. Sondaı-aq qyzmet kórsetý, densaýlyq saqtaý salalaryn jaqsartyp, pandemııanyń týrıstik salaǵa tıgizgen zardabyn jeńildetýge ýáde berdi.
Eske sala ketsek, aıdyń basynda Korol Abdalla II burynǵy premer-mınıstr Omar Razzazdy qyzmetinen bosatyp, 27 qyrkúıek kúni Palatany taratty. Sondaı-aq úkimetke jalpyǵa ortaq saılaý uıymdastyrýdy tapsyrdy. Ol 10 qarashada ótedi dep josparlanǵan.
