Iordanııada saılaýshylardyń 81,6 paıyzy daýys berdi
ASTANA. 16 qańtar. QazAqparat - Qazaqstan Respýblıkasynyń Iordanııa Hashımıt Koroldigindegi Elshiliginiń janyndaǵy №222 saılaý ýchaskesi QR Parlamenti Májilisi depýtattaryn saılaý boıynsha óz jumysyn aıaqtady.
Saılaýshylardyń 81,6% daýys berdi, dep habarlady elshilikten.
Islam Yntymaqtastyq Uıymy sheńberinde Iordanııa tarapynan saılaýǵa Іshki ister mınıstrligi janyndaǵy saılaý boıynsha departamenttiń dırektory Saad Hýseın ál-Shahab basqaratyn delegatsııa qatysty.
Qazaqstannyń saılaýy týraly maqalalar Iordanııa BAQ-tarynda jıi jaryqqa shyqty. Iordanııanyń «Petra» ulttyq aqparat agenttigi, «ad-Dastýr», «Djordan Taıms» gazetteri, sondaı-aq birneshe ınternet-basylymdary saılaý júıesin demokratızatsııalaý boıynsha Qazaqstannyń umtylystaryna joǵary baǵa beretin mazmundy maqalalar jarııalady.
