Iordanııada koronavırýs juqtyrǵan alǵashqy adam anyqtaldy
AMMAN. QazAqparat – Iordan Hashıt Koroldiginiń Densaýlyq saqtaý mınıstrligi búgin koronavırýs juqtyrýdyń alǵashqy jaǵdaıy tirkelgenin rastady. Iordanııada jańa vırýsqa qarsy qolǵa alynǵan sharalar týraly, «QazAqparat» HAA-niń Taıaý Shyǵystaǵy tilshisi habarlaıdy.
Iordanııanyń Densaýlyq saqtaý mınıstri Saad Djaber baspasóz-máslıhaty barysynda búgin koroldikte jýyrda Italııaǵa baryp kelgen azamattyń koronavırýs juqtyrý jaǵdaıy tirkelgendigin habarlady. Onyń vırýs juqtyrǵany aıqyn. Osyǵan qaraı taǵy bir adam qaýipsizdik maqsatynda karantınge jatqyzyldy.
«Koronavırýs juqtyrǵan patsıenttiń otbasynyń músheleri indetten aman. Alaıda vırýs juqtyrǵan adammen baılanysta bolǵandardyń barlyǵy 14 kúnge karantınge jatqyzylady. Iordanııa qazir qalyptasqan jaǵdaıǵa tolyq daıyn. Al vırýs juqtyrǵan adam karantınge jatqyzylyp, tolyqtaı oshaýlandyryldy. Onymen eshkim baılanysa almaıdy, patsıenttiń jaǵdaıy qalypty»,-dedi S.Djaber.
