Iordanııada qazaq dombyrashylary týrısterdi tańǵaldyrdy
AMMAN. DJARASh. QazAqparat - Qazaq ulttyq óner ýnıversıteti Eýrazııalyq sımfonııa orkestriniń mýzykanttary Djarash qalasynyń antıkalyq bóliginde fleshmob uıymdastyrdy, dep habarlaıdy «QazAqparat» HAA Iordanııadaǵy menshikti tilshisi.
Bul sapardy Iordanııadaǵy QR elshiligi uıymdastyrǵan bolatyn. Dombyrashylar ansambli antıkalyq amfıteatrda kúı oınady. Sol jerde bolý baqyty buıyrǵan týrısterdiń tańdanysynda shek bolǵan joq.
Ulttyq kıim kıgen 85 mýzykant akýstıkasy áli kúnge deıin ashyq aspan astynda kontsert berýge laıyqtalǵan amfıteatrda qazaqtyń ulttyq mýzykasyn áýeletti.
Budan keıin sahnada arabtyń ulttyq aspaptaryn ustaǵan jergilikti mýzykanttar da óner kórsetti.
Esterińizge sala keteıik, 8-10 sáýir aralyǵynda Iordanııanyń Hashımıt Koroldiginde Qazaqstan Respýblıkasynyń Halyq ártisi, «Shabyt» qazaq ulttyq óner ýnıversıtetiniń rektory Aıman Musaqojaevanyń kontsertteri ótti. Bul is-sharalar Qazaqstan men Iordanııa arasyndaǵy dıplomatııalyq qatynastardyń 25 jyldyǵyna jáne «Rýhanı jańǵyrý» memlekettik baǵdarlamasyn júzege asyrý aıasynda uıymdastyryldy.
