Iordanııada qastandyq jasaý áreketi toqtatyldy
AMMAN. QazAqparat – Iordanııa qaýipsizdik qyzmeti qaýipsizdik maqsatynda birneshe joǵary laýazymdy tulǵany qamaýǵa aldy, dep habarlaıdy QazAqparat Petra agenttigine silteme jasap.
3 sáýir kúni Iordanııa bıligi keı adamdardy «qaýipsizdik maqsatynda» qamaýǵa aldy.
Onyń ishinde II Abdalla koroldiń senimdi ókili Bassem Avadallah jáne koroldiń burynǵy elshisi Hasan bın Zaıd bar.
The Washington Post gazetiniń habarlaýynsha, yqtımal qastandyq áreketin tergeý barysynda marqum Korol Hýseınniń úlken uly hanzada Hamza ben Hýseınge Ammandaǵy saraıynda qalýǵa buıryq berildi.
Petra agenttigi keıbir buqaralyq aqparat quraldarynda hanzada Hamza ben Hýseınniń úı qamaýynda ekendigi jaıly aqparatty joqqa shyǵardy.
Armııa shtabynyń bastyǵy general ıÝsef Hýneıtı de hanzada Hamzanyń tutqyndalmaǵanyn, tergeýdiń áli de jalǵasyp jatqanyn jáne nátıjesi «ashyq ári túsinikti túrde» jarııa bolatynyn aıtty.
